Ամենաերջանիկ տարիքը

Ինչքան էլ զարմանալի է, բայց երջանիկ տարիքը համարվում է 74 տարեկանը: Գերմանացի և ամերիկացի գիտնականները մի շարք հետաքրքիր սոցիոլոգիական հետազոտություններ են անցկացրել և նշել  են մարդու ամենաերջանիկ տարիքը:

Պարզվել է, որ մարդիկ կյանքի նկատմամբ ամենադրական տրամադրվածության են հասնում 74 տարեկանում: Հետազոտողների կարծիքով, այդ տարիքում մարդիկ ավելի քիչ պատասխանատվության, պարտականությունների զգացողություն  են  ունենում և ֆինանսական խնդիրներն էլ մղվում են երկրորդ պլան:

Հարցումներին մասնակցել են ավելի քան 20 հազար մարդ, ովքեր 7 բալանոց սանդղակով գնահատել են կյանքի նկատմամբ իրենց բավարարվածության զգացողությունը: Դեռահասներն իրենց դրել են 5,5 բալ, մինչև 40 տարեկան անձինք` 5 բալից ոչ ավելի, իսկ ահա թոշակառուներ` 5,9: Ընդ որում, ինչքան հարցվողի տարիքը մոտեցել է 74-ին, այնքան նրանք բարձր են գնահատել իրենց երջանկությունը:

Հետազոտությունների ընթացքում նաև հետաքրքիր փաստեր են ի հայտ եկել: Պարզվել է, երջանկության մակարդակը սկսել է իջնել դեռահասության շրջանում: 40 տարեկանին մոտ այն աստիճանաբար մարել է, հասնելով նվազագույնի, այնուհետև կարգավորվել է: Եվ արդեն, 46 տարեկանից հետո սկսել է բարձրանալ հասնելով  գագաթնակետին` 74 տարեկանում:

Գիտնականներն այս  բացառիկ երևույթը բացատրում են այսպես. տարիքով մարդիկ ամեն մի առիթով ավելի քիչ են ծանր ապրումներ ունենում, ավելի փիլիսոփայորեն են նայում կյանքին և ավելի իմաստուն են դառնում: Այդ մարդիկ բավարարված են իրենց ապրած կյանքով, դրա արդյունքներով, նրանք  տարբերում են գլխավորը երկրորդականից: Բացի այդ, թոշակառուներն այսուհետ հնարավորություն ունեն ավելի շատ ուշադրություն և ժամանակ տրամադրել իրենց: 

Նախկինում անցկացրած հետազոտությունները ցույց են տվել, որ բարեգործությունը մարդկանց նույնպես երջանիկ է դարձնում, քան սնունդն ու սեքսը:  Եվս մեկ հետաքրքիր փաստ. պարզվել է, որ բարձրահասակ մարդիկ ավելի բավարարված են կյանքով, քան ցածրահասակները: 

Հարցեր, պատասխաններ, մեկնաբանություններ